من ورا نظـارة شمـس ....... لكى سحر بيهمـس همـس
بيقولى أ قابلك بكــــرة....... وأنا شــوقى لــه مالامـــس
من ورا نظـارة شمـس ....... أنا شفـت الوان الطـــيــف
وساعتها اتبرجل عقلى ....... بين فصـل الشتا والصيف
ياخريف الوقت الضايع ....... مابقاش فيه شك وزيـــف
من شوقه اتاكـد قلبـــى ....... بين نظره وبسمه وطيـف
أنا شوقى دام مــــعـايا ....... من صيف فــات لــه سنــه
سايب بصـمه فى هوايا ....... سـايب بســـــمـة هنــــــا
عاشـت ذكـرى هــوانـا ....... بتقــــول نلــــــقـاه هنـــــا
م الجنـة جات سفينتك ....... والمـرسـى قلبـــــــى أنـــا
**********
للشاعر والكاتب المهندس
أنور محمد المصرى
الاسـكندرية
