كتبت في الغزو الامريكى للعراق
( وإن سعتنى الجنة حبا أقول القدس حبيبتي )
إنا بكـــره إسرائيـــل ومحبـش لمريكــــان
تسالنى ليه يا صاحبى ذئاب اخـــر الزمـان
أنا بـكـره إسرائيـل وده مــــن فـعـلهــــــــا
عمرها فى يوم ما توعـد وتوفى بوعـــدها
وماحبش لمريكـــان واخدين الدنيـــــا قوه
بـيـفــكـرنى زمـــــان بالبـلـطـجـى الفـتــوه
عاملى الواد فتوه علينـــا وعلى الأفغـــــان
ويجـى لحـد كـوريا ويلحـس فى الكــــــلام
سجن الغريب يا صاحبي كشفهـــم بالتمام
هـدفـهـم هــو وأحـد هــدفـهـــــم الإســــلام
ياخويا يا عربي اسمع كلمنـي بالأصــــول
بوش مش ابن تسعه ولا يفهـم في الأصول
بوش خلاها غابـه وقطف ريش النســــــور
أنـا أمـلى نـبـقى وحـده ونـبـقى ناس تـمـام
وخيـر بلـدنا لـينــــا وننـســـى الأمريكـــان
والـرآى يـبـقى ليـنـا وفى أيدينا الـزمــــــام
يا عربي أنا وأنت نبقى خريـــج لمدرســـة
قــرآن وفقه وسُـنـه وطـــــب وهـنـدســـــة
..........................
للشاعر والكاتب المهندس
أنور محمد المصري
الإسكندرية
